நீங்கள் தேடியது "சுப்பிரமணிய சுவாமி"

லக்னோ:

நாட்டின் இஸ்லாமிய விவகாரங்கள் தொடர்பாக முடிவு எடுக்கும் உயர் அமைப்பான அனைத்து இந்திய முஸ்லிம் தனிநபர் சட்ட வாரியத்தின் மூத்த உறுப்பினர் ஜபர்யாப் ஜிலானி நேற்று செய்தியாளர்களை சந்தித்தார். அப்போது அவர் நாடு முழுவதும் உள்ள அனைத்து மாவட்டங்களிலும் ஷரியத் நீதிமன்றங்களை நிறுவ திட்டமிடப்பட்டுள்ளதாக தெரிவித்தார்.

மேலும், இதற்கான செலவினங்கள் உள்ளிட்ட பல்வேறு நடைமுறை சாத்தியங்கள் குறித்து ஜூலை 15-ம் தேதி டெல்லியில் நடைபெறும் மேலிட கூட்டத்தில் விவாதித்து தீர்மானிக்கப்படும் எனவும் அவர் தெரிவித்தார்.

இதுதொடர்பாக இன்று செய்தியாளர்களிடம் பேசிய பா.ஜ.க மூத்த தலைவர் சுப்பிரமணிய சுவாமி, இந்தியாவில் ஒரே நாடு ஒரே சட்டம் தான் இருக்க வேண்டும் என்றும், ஷரியத் நீதிமன்றங்கள் அமைப்பது நாட்டில் பிரிவினையை ஏற்படுத்தும் எனவும் தெரிவித்துள்ளார்.

மேலும், அரசியலமைப்பு சட்டத்தில் இல்லாமல் வெளியில் இருந்து வரும் எதையும் ஏற்க முடியாது எனவும் அப்போது அவர் கூறியுள்ளார்.

தொடர்ந்து பேசிய சுப்பிரமணிய சுவாமி, ஷரியத் நீதிமன்றங்கள் அமைப்பதற்கான நடவடிக்கைகள் எடுப்பவர்கள் தேசிய பாதுகாப்பு சட்டத்தின் கீழ் கைது செய்யப்பட வேண்டும் எனவும் குறிப்பிட்டுள்ளார். #ShariatCourts #AIMPLB #SubramanianSwamy

புதுடெல்லி :

அயோத்தியில் உள்ள ராமர் கோவிலில் வழிபாடு நடத்துவதற்கு உரிமை கோரி பாஜக மூத்த தலைவர் சுப்பிரமணிய சுவாமி கடந்த ஏப்ரல் மாதம் உச்சநீதிமன்றத்தில் மனு தாக்கல் செய்திருந்தார். மேலும் இதனை அவசர வழக்காக விசாரிக்க வேண்டும் என்றும் அவர் கூறி தனியாக மனு தாக்கல் செய்தார்.

இந்நிலையில், உச்சநீதிமன்ற தலைமை நீதிபதி தீபக் மிஷ்ரா தலைமையில் ஏ.எம்.கான்வில்கர் மற்றும் டி.ஒய்.சந்திரசூட் ஆகியோர் அடங்கிய அமர்வு இன்று சுப்பிரமணிய சுவாமியின் மனுவை பரிசீலனை செய்தது.

அப்போது, சர்ச்சைக்குரிய இடமான அயோத்தியில் வழிபாடு நடத்துவது தொடர்பான சுவாமியின் மனுவை அவரச வழக்காக விசாரிக்க முடியாது என நீதிபதிகள் தெரிவித்தனர். மேலும், இந்த மனுவை பின்னர் தாக்கல் செய்யுங்கள் என சுவாமிக்கு நீதிபதிகள் அறிவுறுத்தினர்.

ஏற்கனவே இதேபோன்று அவசர வழக்காக விசாரிக்க பட்டியலிடும்படி சுவாமி மனு தாக்கல் செய்தபோதும், நீதிபதிகள் அதனை ஏற்க மறுத்தது குறிப்பிடத்தக்கது.